| 今晚上演多場國際熱身賽，意大利於中立場法國尼斯約戰奧地利，今場係世界盃冠軍頭納比回歸第一擊，面對離開主場就腳軟奧地利誓響頭炮，意大利1.4倍熱Ｗ可作全日投注重心。（周四凌晨２時45分開賽）
歐國盃之後，意大利搵帶領球隊贏得06世界盃冠軍納比重掌帥印，納比無論領導才能及聲望均遠勝鄧納東尼，雖然鄧納東尼重用年輕球員效果唔錯，但整體發揮始終不及納比咁有效率。 基拿甸奴誓顯身價 值得一提係今季由ＡＣ米蘭轉投費倫天拿基拿甸奴獲重召，早前佢歐聯外圍賽入波協助費倫贏波，狀態唔錯，乘住拜仁前鋒東尼今次因傷落選，基拿甸奴定必大打身價波。
奧地利早前以主辦國身份歐國盃贏盡口碑，但佢只憑主場之助跟列強周旋，離開自己地頭就變軟腳蟹，就算搵前捷克領隊布克拿執都唔會有太大改善。今場比賽安排中立場舉行，雙方實力分野會更大，意大利主Ｗ屬重心之選，如果嫌賠率低可捧「讓球主勝」。 俄羅斯荷蘭和波格 另一場熱身賽推介係俄羅斯對荷蘭，兩者曾經歐國盃八強碰頭，當時俄羅斯加時以三比一擊敗荷蘭，事隔兩個月，荷蘭陣容及領導層都有好大變動，門將雲達沙、前鋒雲尼斯達萊已退役，領隊一職亦由雲馬域克頂替雲巴士頓，雲馬域克之前從未過國家隊，國際賽經驗有限，相反希丁克見慣大場面，拍埋高下立見，不過俄羅斯經過歐國盃後需要調整，想贏荷蘭唔容易，打和機會高。
| 
