| 為備戰世界盃外圍賽，應屆歐國盃盟主西班牙出征丹麥，作客讓波好擇使。每逢大賽完結，球員狀態點都差，而西國精兵一舉奪標完成使命，如今爭勝心亦成疑。丹麥連續缺席兩屆大賽，必欲打敗西班牙以振軍心，主場戰意高昂，受讓平半要得過。（有線足球台61周四凌晨２時15分直播）
熱身賽勝負無關痛癢，無論領隊同球員，只係希望藉呢類賽事提升狀態及試陣，故雙方實力分野有時並非勝負關鍵，相反戰意如何更值得留意。西班牙剛奪歐國盃，球員有盃萬事足，熱身賽都幾難要佢搏盡。老帥阿拉干利斯離隊後，國家隊請來前皇馬頭迪保斯基執，佢三年前畀比錫達斯炒魷後就冇過波，呢次出山對西班牙講福禍難料，而且西甲聯賽仲未開咧，相信大部分球星仍未在狀態。 丹麥求勝振軍心 丹麥近年勢頭下跌，○六世界盃同今夏歐國盃都冇份踢，兩年後重返世界盃大舞台，係球隊目前首要目標；於外圍賽前打敗世界一哥西班牙，對軍心有正面作用。今次雖有干查、佐真遜因傷缺陣，但蘇連遜、丹尼爾艾格、保臣及賓特拿等主力今晚都候命上陣，主場受讓極筍。
| 
